السلام عليكم ورحمة الله وبركاته ..
ويا أهليـن وسهليـن
يالله حيهم وابقهم
شسمه اليوم مثل ما تشووفون الدنيا كلها ورد في ورد 
وبنشوف مع بعض
مهرجان ورود الرياض << ما هضمت كلمة ربيع 
وطبعاً المهرجان هذا فيه كل شي من تفكر تسوي لك حديقه لما تسقي الورد
ومراح نلتفت كثيـر للديكورات والتنسيقات وكذا وبركز على الورد بس 
تشمون ريحه ؟!
انا اشمها ترى
بالبداية بنشوف هالوردات الزاهيه ولا مانع من بعض التركيز عليهم
هذي سميتها الخالعه
اي قبل لا انسى بتلاحظون ان الصور اغلبها بشكل طولي بتقوولون ليش ؟!
بقول والله مدري انا يوم جيت افرز لاحظت اني اصور بالطول << من زود الإنسجام وكذا
الدنيا كلها ورد في ورد حتى ناس ما فيه
<< بلى من زين وقتك الي رايح فيه 
حينما نرقص طرباً على الورد وألوانه وقتها سوف يحل الدمار بالأرض والبحر
<< بلا تحشيش وتأثير عدنان ولينا 
الممرات بالمهرجان مرره رايقه 
وهذي حينما تجتمع الألوان
ابد بوكيهات ورد عندي إستعداد اطلع بمحل ورد معي
وكان معي حبيب قلبي وحب انه يتصور مع الورد فما حبيت ارده
الألوان هنا فتاكه
كيف باللهي ؟! انا حبيت هاللقطتين وبقووه 
ومع النحلات شي ثاني
هذي فرشة الورود وفيه المعلومات عنها كامله
بس لما نروح نشوفها من الجهه المقابله
الورود مع الشمس وتوها مرشوشه
زوم عليها ولاحظو كيف صفتهم حبه حبه
وطالعه من بعيد بشكل خرآفي
وهنا بعض محلات تنسيق الحدائق وعارضين شغلهم
بالممرات بكلشي
لقطه وقبلها زوم عليها نفسها
والنحل بكل محل المهرجان صاير وجبه دسمه له
يقولون المناحل بالسعوديه معلنة حالات هروب جماعي
وكلهم رايحين للمهرجان 
هذي خليت الي يرش يرشها ثانيه عشان اصوره بالقطرات 
بالأول احسبه يرش مويه وقربت يمه واشم الريحه ولاه شي مدري وشوو
مدري ليه هذي حزينه 
يمكن عشان جرة الفخار !!
من الي موب صاحي وبيجيبه لبيته كان كل البزران بالبيت يعانون من جروح عنيفه
هذي اعجبتني
هذي الفرشة ولقطه عامه من الجهة المقابله للي قبل شوي
لقطه وعكسها
شوفو بس وروود وانا لحالي
وهذي المعلومات عنها شوفو
السماد سر التميز
لما الواحد يركز فيها يشوف بداخلها جمال مو سهل
تخيلو كلشي لحاله من جد هندسه
وهذي جامعتنا كالعاده من ضمن المشاركين بس مشاركتهم العام احلى
والحين بنشوف جناح حديقة الحيوان وبرضو البيت المحمي
دايم احس ان الحيونات الي في حديقة الحيوانات عندنا ميتين دماغياً
احسسهم كذا خلاص مالهم خلق وطفشانين 
هذا كش علي قلت شكله بيطلق علي من شوكه وكذا
غزلان
ارحبو 
<<< انقلع بس
يصلح يكون اسم مول 
وهذي قبل ما ندخل للبيت المحمي 
صفتهم بطله
وهذي هي من جوى وانواع البراد
طبعاً كلشي مكتوب عليه اسمه
وشروحات وانواع الخ الخ
بالأول احسبه مكتوب صابر الشمعدان قلت مين مخترعها ومسمينها بسمه
الألوان الي مثل كذا احسه هاديه وتنفع جوى البيوت
ايوه نكمل جولتنا في البيت المحمي وهذا التين الشوكي اخبره فاكهه وش جابه هنا مدري
والثيل انواع واشكال
هنا انا انبسطت جلست اقرى الأسامي وش حلو تقرى الأسم وتشوفه على الطبيعه
بس ما لقيت اشياء يعني مرره غريبه 
مو كنها وجهه ؟!
هذي احسها شرييره .. عاد براد جو هالبيت وجلست اروق عليهم بالتصوير
شسمها ياربي نسيت
ادري تقولون وش تحس فيه بس ولو حبيت اصورها كذا
هذي وردة حبنا
وبكذا نكون خلصنا من البيت المحمي وهو آخر محطات جولتنا المصونه
وقبل لا نختم بهدي لكم شي 
هذي مثل احلى صورتها صورتها العام الماضي عاد مدري هالسنه وش احلى شي
يارب تعجبكم ويعجبكم الموضوع برمته << برمته متعوب عليها ادري
عافاكم ربي على المتابعه ادري طولت عليكم بس المعذره
نشوفكم بمواضيع ثانيه
Facebook
ليست هناك تعليقات:
إرسال تعليق
حياك الله ، يشرفني تعليقك .